ماسكات مستوحاة من الطبيعة

ماسكات مستوحاة من الطبيعة

طبعا كلنا نفسنا بشرتنا تبيض وتنعم وبطريقة طبيعية وزى ما قلت ياريت التقشير كل اسبوع او عشرة ايام علشان البشرة تستفاد بالماسك ومعلش ماسكات التبيض بتاخد وقت علشان تجيب نتيجة لان كل الطبيعى كدة وبتفضل البشرة جميلة مش زى الكريمات اللى مفعولها بيروح بعد ما نسيبها



اول ماسك :

معلقة دقيق ابيض ومعلقة زيت زيتون ومعلقة لبن ونص لمونة ويتم فردة على الوجة والرقبة لمدة 20 دقيقة وبعدين نشطفة بالماء الدافى ثم البارد



الماسك الثانى :

برغم انة بسيط جدا الا انة نتيجتة تحفة جدا معلقتين لبن بودرة اى نوع ومعلقتين لبن سايل نخلطهم كويس ونفردة على الوجة والرقبة نصف ساعة ونغسلة بالماء الافى ثم البارد


الماسك الثالت :

2 معلقة بودرة جونسون لاطفال ومعلقة مية ورد ومعلقة لبن الماسك دة غير انة بيبيض كمان بينور وينعم وبيدى ريحة تحفة ونفردة نصف ساعة ونشطفة بنفس الطريقة


الماسك الرابع:

1 بطاطس مسلوقة بقشرها ونص كوب لبن ونضربهم كويس فى الخلاط ويفرد على الوجة بالاضافة لمنطقة تحت العين تحفة بيبيضها والباقى بيتحط فى التلاجة عادى ويشطف بنفس الطريقة


الماسك الخامس :

نص خيارة مبشورة وناخد عصيرها ونص عصير لمونةو2 معلقة دقيق ابيض ويفرد ويشطف بنفس الطريقة


الماسك السادس:

معلقة نشا ومعلقة زبادى بايت ونص عصير لمونة ونص معلقة زيت زيتون ونحطة 20 دقيقة ونشطفة بنفس الطريقة


الماسك السابع:

معلقة دقيق ومعلقة نشا ومعلقة مية ورد ومعلقة زيت زيتون ومعلقة لبن ونص لمونة الماسك دة كمان تحفة للجسم واى منطقة غامقة نصف ساعة ونشطفة بنفس الطريقة

الماسك الثامن:

3ملاعق لوز مطحون نجيب اللوز وننقعة لغاية ماالقشرة تتحاش ونسيبة ينشف وبعدين نطحنة ونعجنة بلبن ونحطة نصف ساعة وبعدين نشطفة بنفس الطريقة ياسلام على الماسك دة اوعى وسع تحفة تحفة تحفة بيستخدمة اجمل نجوم السينما الامريكية


بجد الماسكات دى لها فوايد كثيرة